Á heimavelli mynda hin ýmsu kristniboðsfélög, hópar og einstaklingar net velunnara og bakhjarl starfsins. Kristniboðsfélögin halda fundi með reglulegu millibili, en þó ekki jafn oft öll þeirra. Sum hittast á mánaðarfesti, önnur á hálfsmánaðarfresti og enn önnur tíðar eða sjaldnar. Beðið er fyrir starfinu, fjármunum safnað, staði fyrir fjáöflun og kynningu o.s.frv. Starfsmenn SÍK heimsækja kristniboðsfélög, söfnuði, skóla, barnastarf kirkjunnar, KFUM og KFUK og önnur samtök sem óska eftir heimsókn frá Kristniboðssambandinu.
Vikulegar samkomur eru haldnar á miðvikudagskvöldum kl. 20 í Kristniboðssalnum 3. hæð, Háaleitisbraut 58-60. Barnakór er starfrækur yfir vetrartímann. SÍK er í samstarfi vð Íslensku Kristskirkjuna um ungmennastarf með áherslu á nýbúa. Íslenskukennsla fyrir útlendinga er einnig í boði yfir vetrartímann.
Kristniboðssambandið gefur út Kristniboðsfréttir í 2.500 eintökum tvisvar til þrisvar sinnum á ári. Undanfarið ár hefur verið sent netbréf, Kristniboðspósturinn, á mánaðarfresti. Bjarmi, tímarit um kristna trú, 48 bls. kemur út þrisvar sinnum á ári og er það selt í áskrift, og er sent áskrifendum rafrænt eða prentað. Nánari upplýsingar eru á bjarmi.is eða saltforlag.is.
Salt ehf er útgáfufélag í eigu SÍK sem gefur út bækur og fræðsluefni. Fjárhagur þess er aðgreindur frá öðru starfi SÍK þar sem bókaútgáfa og sala er virðisaukaskattskyld. Einfaldast er að kaupa bækur Salts ehf á saltforlag.is, skrifstofu SÍK og Basarnum. Margar fást einnig í Kirkjuhúsinu og Jötunni og þær nýjustu hjá Bókabúð Forlagsins og Pennanum/Eymundsson.