Kristniboðssambandið hefur nú gefið út gjafakort. Kortin er hægt að kaupa til að gefa við hin ýmsu tækifæri. Með kaupum á kortunum er ákveðnum hluta kristniboðsstarfsins veittur styrkur. Hvetjum við kristniboðsvini til að kaupa kortin þegar þeir ætla að gleðja vini og vandamenn. Þau eru nýjung í fjáröflun Kristniboðssambandsins. Hægt er að kaupa kortin á Basarnum – nytjamarkaði Kristniboðssambandsins, Austurveri, Háaleitisbraut 68.
 Af götu í skóla Verð: 4.000 kr. Texti: Verkefnið Af götu í skóla tryggir börnum skólagöngu. Þeim er bjargað frá betli til betra lífs. Gjöf þín rennur til fjölskyldna bágstaddra barna. |
 Betri heilsa Verð: 3.000 kr. Texti: Góð heilsa er gulli betri. Þetta máltæki á sérstaklega vel við í fátækum ríkjum þar sem oft er litla eða enga heilsugæslu að finna. Kristniboðssambandið hugar ætíð að manninum öllum, líkama, sál og anda. Gjöf þín bætir heilsu fátækra. |
 Daglegt brauð Verð: 3.000 kr. Texti: Með fjölbreyttu starfi sínu og áherslu á líkama, sál og anda, tekur Kristniboðssambandið þátt í að tryggja fátæku fólki daglegt brauð. Gjöf þín á þátt í að auka aðgang að heilsugæslu, vatni, menntun og atvinnutækifærum – og neyðarhjálp þegar á reynir. |
 Fagurt fótatak Verð: 10.000 kr. Texti: Innlendir þjónar Jesú Krists, karlar og konur, leggja oft mikið á sig er þeir ferðast um afskekkt héruð Eþíópíu og Keníu til að boða trú á kærleiksríkan Guð. Kristniboðssambandið styður störf þeirra með beinum fjárframlögum. Gjöf þín er gjöf til þeirra. |
 Fótbolti Verð: 2.500 kr. Texti: Heilbrigð sál í hraustum líkama. Þetta eru einkunnarorð öflugs æskulýðsstarfs sem Kristniboðssambandið leggur ríka áherslu á. Oft er safnast saman til íþróttaiðkunar eða til að syngja saman í kór. Gjöf þín gefur börnum gleðiríkar stundir í samfélagi við önnur börn. |
 Litla gula hænan Verð: 5.000 kr. Texti: Læsi er lykill að þroska einstaklingsins og samfélaginu sem hann býr í. Kristniboðssambandið leggur mikla áherslu á almenna menntun barna og fullorðina á starfssvæðum sínum. Gjöf þín hjálpar fólki að verða sjálfbjarga. |
 Múrsteinn Verð: 5.000 kr. Texti: Með beinum fjárframlögum kostar Kristniboðssambandið byggingu fjölmargra skóla í Eþíópíu, Keníu og Kína, auk bygginga sjúkraskýla og heilsugæslustöðva. Hver múrsteinn skiptir máli, líka þinn. |
 Útvarp og sjónvarp Verð: 5.000 kr. Texti: Í fjölmörgum löndum er bannað að boða trú á Jesú Kristi. Kristniboðssambandið styður útvarps- og sjónvarpsendingar til landa sem lokuð eru fyrir kristniboðum. Rík áhersla er á vönduðu og fræðandi efni. Gjöf þín gleður kristið fólk í löndum þar sem ekki er leyfilegt boða Guðs orð með öðrum hætti. |
 Vinátta Verð: 2.000 kr. Texti: Sönn vinátta verður til þegar harðneskja og fordómar víkja fyrir kærleika. Starfsemi Kristniboðssambandsins gengur út á að miðla hlýju og kærleika í orði og verki. Gjöf þín eflir sanna vináttu. |