Á þriðjudagskvöldið héldu Þyrí og Dagbjartur Elí, með aðstoð Færeyinganna Magnusar og Andriasar, fyrstu ungmennasamkomu annarinnar hjá SÍK 
Magnus og Andrias komu hingað til lands sem sjálfboðaliðar 12. janúar og munu á vorönninni aðstoða SÍK við að byggja upp og efla unglingastarf. Þeir eru meðal annars virkur hluti af þessari unglingafræðslu og er koma þeirra liður í því að efla samstarf okkar við Færeyjar. Stefnt er að því að hópurinn fari saman á unglingamót í Færeyjum í október, sem verður spennandi og uppbyggjandi framhald af starfinu. 
Það er mikil blessun að fá Magnús og Andrias til starfa og ljóst að þeir bera trú, samfélagi og uppbyggingu ungmenna fyrir brjósti. Við hlökkum til samstarfsins við þá. 
Á samkomunni á þriðjudag var haldinn kynningarfundur þar sem farið var yfir það sem er framundan á önninni.
Kvöldið gekk rosalega vel, mætingin var góð og stemningin frábær. Unglingarnir virtust spenntir fyrir því sem er framundan og allt bendir til enn betri mætingar næsta þriðjudag.
Ef þið þekkið unglinga á aldrinum 13-15 ára, endilega látið þá vita að þeir séu hjartanlega velkomnir. Það er greinilega að myndast góður og samheldinn hópur í unglingafræðslunni