Posted on

Aðalfundur SÍK, 15. maí – STARFSSKÝRSLA

Aðalfundur SÍK verður haldinn 15. maí nk. Hann hefst klukkan 18 í Kristniboðssalnum, Háaleitisbraut 58, 3. hæð. Stjórnin leggur til eftirfarandi viðbót við samþykktir SÍK, að við 8. grein komi liður c) sem segi: „Verði SÍK lagt niður skulu eignir þess renna til sams konar eða svipaðrar starfsemi.“

Hér gefur að líta starfsskýrslu ársins:

Starfsskýrsla SÍK 2019 vefútgáfa

Posted on

Bænasamkoma í kvöld

Samkoma í kvöld (miðvikudag) kl. 20 í Kristniboðssalnum.
Ræðumaður: Hermann Bjarnason, hann fjallar um valda persónu úr Biblíunni.
Kaffi og með því að samkomu lokinni.
Verið öll hjartanlega velkomin í Kristniboðssalinn,
Háaleitisbraut 58, 3. hæð.

Posted on

Gestir frá Podas biblíuskólanum

Í dag fengum við góða og afar músíkalska gesti frá Podas biblíuskólanum í Færeyjum.
Þau munu gera víðreist næstu daga í fylgd með fulltrúum Kristniboðssambandsins. Í dag fara þau og syngja fyrir íbúa á Hrafnistu þaðan sem leiðin liggur á Litla-hraun. Á morgun verða þau með stund á dvalarheimilinu á Stykkishólmi og í beinu framhaldi af því verður samkoma í Hvítasunnukirkjunni þar í bæ. Á sunnudaginn fara þau í hinar ýmsu kirkjur og á mánudaginn fara þau í Háskóla Íslands til að syngja og vitna.

Tökum þátt og biðjum fyrir þessu góða starfi.

Posted on

Ruth og Billy Graham

Billy Graham er látinn, 99 ára að aldri. Enginn hefur boðað fleirum fagnaðarerindið en Billy Graham. Að baki þessum stórmerka manni stendur jafn merkileg kona. Bókin fjallar um Ruth ekki síður en Billy Graham og svarar spurningunni um það hvers vegna Ruth og Billy höfðu svona mikil áhrif. Frásagan af lífshlaupi hjónanna er hvatning til að skoða eigið líf og hvernig hægt er að leyfa Guði að móta það.

Bókin er á tilboðsverði í Basarnum, Austurveri, aðeins: 1.950 kr.