Kynnisferðir til Keníu

Sungið við upphaf kirkjuvígslu í Chepkobegh

Kristniboðssambandið stendur fyrir tveimur kynnisferðum til Pókot í Keníu í janúar n.k. Fararstjóri verður dr. Kjartan Jónsson, sóknarprestur og kristniboði til margra ára. Ferðirnar eru hugsaðar fyrir presta og starfsfólk sókna og sóknarnefndir en einnig opnar öðrum ef rými leyfir. Hvor ferð tekur um tvær vikur. Kynningarfundur vegna ferðanna verður miðvikudaginn 29. maí kl. 17-18 í húsakynnum Kristniboðssambandsins, Háaleitisbraut 58-60. Fundurinn er öllum opinn.