Kosningar í Keníu í dag

Íbúar Keníu ganga að kjörborðinu í dag og kjósa sér forseta og þing til næstu fimm ára. Þeir tveir sem eiga mesta möguleika eru Uhuru Kenyatta, sem verið hefur forseti síðastliðin fimm ár og sonur fyrsta forseta lýðveldisins og svo Raila Odinga, sonur fyrsta varaforseta landsins sem leitt hefur stjórnarandstöðuna undanfarið. Kosningar og framvinda mála í kjölfar þeirra eru í mörgum ríkjum Afríku, og víðar, prófsteinn á lýðræðið. Við biðjum fyrir Keníu og þjóðinni á þessum tímamótum.