Kaffisala 1. maí

Hin árlega kaffisala Kristniboðsfélags kvenna verður haldin í Kristniboðssalnum að Háaleitisbraut 58-60, föstudaginn 1. maí og hefst kl. 14. Þar verða að vanda ljúfar kræsingar á boðstólum, brauðréttir og kökur. Ágóði kaffisölunnar mun renna til kristniboðsins. Meðal verkefna eru skólabyggingar í Pókothéraði í Keníu svo og bygging heimavista fyrir stúlkur. Í Eþíópíu er áhersla á lestrarkennslu í Ómó Rate þar sem ólæsi er mikið og að hjálpa götubörnum í Addis Abeba. Allir eru velkomnir í kaffið og styðja um leið gott málefni. Verð kr. 1800 á mann.