|
Höfundur: Agnes T.
|
|
Fimmtudagur, 02 September 2010 16:14 |
|
Grænmetis- og haustmarkaður Kristniboðssambandsins 2010 verður haldinn laugardaginn 11. september, kl. 11-14 í Kristniboðssalnum, Háaleitisbraut 58-60, 3. hæð.
Til sölu verða ávextir, grænmeti, sultur, kökur, brauð og margt fleira.
Gjafir eru vel þegnar á markaðinn og eru þeir sem ætla að gefa af uppskeru sinni, eða annað, vinsamlegast beðnir að koma með það í Kristniboðssalinn á föstudeginum 10. sept. á milli klukkan 16 og 19.
|
|
|
Höfundur: Ragnar Gunnarsson
|
|
Sunnudagur, 29 Ágúst 2010 21:52 |
|
Gísli Guðlaugsson verður í vetur sjálfboðaliði og aðstoðar kristniboðana Fanneyju Ingadóttur og Jón Fjölni Albertsson í starfi þeirra í Pókothéraði í Keníu. Meginstarf hans verður að kenna Salómoni, syni þeirra. Gísli fór til Eþíópíu með hópi ungmenna nú í ágúst og þaðan beint til Keníu. Hann ólst sjálfur upp í Eþíópíu m.a., lauk framhaldsskóla í fyrra og var í vetur sem leið á biblíuskóla á Bretlandseyjum. Við biðjum Gísla Guðs blessunar í starfi hans. |
|
Höfundur: Agnes T.
|
|
Mánudagur, 26 Júlí 2010 15:42 |
|
Kristniboðssamkomur halda áfram í sumar, hvert miðvikudagskvöld kl. 20.00, í Kristniboðssalnum Háaleitisbraut 58-60, 3. hæð. Allir eru hjartanlega velkomnir. Hér er dagskráið fyrir næstu vikur:
28. júlí: Bjarni Gíslason talar um frelsi.
4. ágúst: Samkoma þar sem Japan er í brennidepli. Leifur Sigurðsson, kristniboði, segir frá lífi og starfi í Japan.
11. ágúst: Margrét Jóhannesdóttir og systkini sjá um samkomuna.
18. ágúst: Fagnaðarsamkoma fyrir Kristján Þ. Sverrisson, Helgu V. Sigurjónsdóttur og börn þeirra sem eru nýkomin frá Suður-Eþíópíu.
25. ágúst: Ragnar Gunnarsson flytur hugleiðingu sem ber yfirskriftina „Jesú á að sjást“ (Mark. 4: 21-25).
1. sept: Sr. Jakob Hjálmarsson sér um samkomuna og talar um „Að hlýða stöðugt raust Guðs“ (Hebr. 3: 7-19).
Áframhaldandi dagskrá má sjá undir viðburðardagatal, á heimasíðu SÍK, http://sik.is/. |
|
|
